ESTHER 8

Bawi mithmaiṭha cu Jew hna sin ah a phan

8 Cu ni ah Ahasueras nih Jew miphun hna ral Haman inn cu Esther kha a pek. Esther nih Modekai he an i pehtlaihnak kha a chimh caah Modekai cu siangpahrang hmai ah a lut kho. 2Haman sin in a lak ṭhan mi kutdong hrolh tacik cu a phoih i Modekai kha a pek. Esther zong nih Haman inn cu Modekai kut ah a chanh ve.

3 Cun Esther cu siangpahrang hmai ah a va chuak ṭhan. Akakit miphun nih Jew miphun hna ca ah an timhmi khuakhannak ṭha lo vialte zuh ṭhan awkah, siangpahrang cu bawh bu in mitthli he a hal.  4 Siangpahrang zong nih a siangpahrang feipi kha a chanh tikah 5 amah cu a tho, siangpahrang hmai ah a dir i a chim mi cu, “Ka bawipa nih na hna a tlak i aa tlak ko a ti ah cun kei zong cu siangpahrang hmai ah mithmai ṭha ka hmuh i na ka dawt a si ahcun, Akakit miphun Hamedatta i fapa Haman nih na pennak chung i a um mi ka miphun hna hrawh awkah ca a rak chuah mi cu zuh ṭhannak ca chuah ṭhan a hau.  6 Zei tin dah ka miphun cung tlunter ding an timh mi cu ka zoh ngam lai? Zei tin dah ka chungkhat hna an rawh dih cu ka zoh ngam lai?’ tiah a ti.

 7 Cu tikah siangpahrang Ahasueras nih siangpahrangnu Esther le Jew miphun Modekai cu, ‘Atu kei nih Haman inn cu siangpahrangnu Esther kha ka pek cang. Jew miphun hna hrawhnak ding khua a khaang mi Haman cu ka thahter cang hna.  8 Atu nannih Jew miphun ca i cachuah cu siangpahrang min in aa tlak ning tein ṭial ulaw siangpahrang tacik cum u. Zei cah tiah siangpahrang min in ṭial i siangpahrang tacik cumh mi ca poh cu hrawh khawh an si ti lo’ tiah a ti hna.  9 Cu tikah Sivan an ti mi thlathumnak i nikul le nithumnak ni ah khan innpi caṭialtu hna kha an auh hna i Modekai chim bang in, nawl cu India in Ethiopia tiang ramkulh 127 i a um mi Jew mi hna, siangpahrang palai hna, ramkulh uktu hna, miphun kip i lubik hna, ramkulh kip kha an ca cio le mibu kip kha an holh cio le Jew hna ca ah an holh le an ca in an ṭial.10Cun cu ca cu siangpahrang Ahasueras min in minsen an thut i a ṭacik kha an cumh i siangpahrang rangcittu hna nih siangpahrang rang i cit in an kuat hna.  11 Cu ca ah  cun –khua kip ah Jew pawl cu anmah le anmah i dirkamhnak caah i pumh khawmhnak le anmah kha hrawh, thah le hloh a tim mi zei miphun le zei ramkulh hmanh kha an nupi le an fale hna he hrawh, thah le hloh khawhnak nawl le an chawva zong kha ramh khawhnak nawl an pek hna. 12 Cu ca cu Siangpahrang Ahasuerus a pennak ramkulh vialte ah khan Adar ti mi Adar ti mi thlahleihnihnak, ni hleithumnak ni ah khan i ruang tein nunter a si.

Tlanh ṭhannak ca

1Ca hi cafang hna cu a tanglei hna bangin  a si.

A lianhngan mi Ahasueras nih India le Ethiopia karlak um ram 127 chung i a um mi siangpahrang bawmtu hna, mangki hna le kan kuttang rammi vialte hna kha nan kut kan tlaih hna.  2Micheu cu kan bawipa hna i dawtnak le zawnruahnak thawng in kan rian a kai tikah i porhlawt kan hmang.  3Kan mipi hna kha kan fahter hna hlei ah kan cung khinh mi rian hmanh ṭhaṭhi in tlinh lo in kanmah a kan bawmtu cung hmanh ah khan ruahnak ṭha lo ngeih kan hmang.  4Kan cung i tuah mi ṭhatnak hna ca ah lawmhthiamnak kha minung lung in an hloh lawng si lo in ṭhatnak hi zei a si ti hngalh lo le zulh lo in an i porhlawt lawng si lo in zeizong vialte a hmu khotu Pathian dantatnak zong kha kan hrial khawh lai ti in an ruah tawn.  5Uknak rian a tlai mi tampi zong cu an hawile hna ruahnak chia nih a tei hna caah sualnak a ngei lo mi hna thahnawnnak ah an i tel ṭheo i remh ṭhan khawh a si ti lo mi rawhralhnak ah an i tel ve tawn.  6Annih cu an zer i uktu siangpahrang lungthin thiang hmanh kha an mer i lamping ah an zulhter tawn.  7 Hi hna cu khua tuanpi i tuanbia hna hmanh zoh lo in hmuh khawh mi a si, atu nan hmaika i thil a cang mi, tlak lo zungbawi hna nih an chuahpi mi khuasual ṭihnung lawng kha nan zoh a herh ko. 8Hmailei ah cun zapi ca ah daihnak le remnak ser kan i zuam cang lai, 9cucu polisi thar kan sernak thawng le kan hmai ah a rak chuak mi bia hna cu aa tlukruan biknak in bia kan ceihnak thawng in kan ṭuanchuah lai.

10Cu bang in Persia thi dorkhat hmanh aa tel lo mi Masidonia miphun Hamendatha fapa Haman cu kan ṭhatnak zei hmanh aa hrawm ve lo mi cu kan dawtnak kha a co i 11Ramkip cung kan ngeih mi lungthin ṭhatnak he kan zohkhenh ve, ‘kan pa’ ti mi min tiang thanh a si i kan pennak chung siangpahrang hnu pahnihnak ti mi rian ngan tiang pek a si i a hmai ah kun in upatnak rak pek a si.  12Sihmanhsehlaw kan pennak le kan nunnak hrawh ding khuakhannak ṭha lo cu a rak kham kho ti lo.  13Cu lawng a si lo, ziarngeihnak lungthin le bia-alnak he kan khamhtu le ngol lo in kan cung ah a ṭha mi Modekai cu soi awk a um lo mi kan bawipa innchungnu Esther le a miphun dihlak he a kan hrawhter dengmang cang.  14Hiti hin kanmah cu bawmtu ngei lo in chiah i Persia pennak cu Masidonia miphun hna kut ah chanh a rak timh.

15Sihmanhsehlaw kan hmuh mi cu hi mi ṭha lopa nih hloh dih a timh mi Jew hna cu lainawng hna an si lo, annih cu a ding bik mi phunglam nih a uk mi an si. 16Annih cu kan pennak cat lo in a ṭhancho naklai kanmah le kan pipu hna nih leiba kan bat mi zeizong tuah kho cungnung bik le a nung mi Pathian i fale hna an si.  17Cucaah Hamedatha i fapa Haman i ca kha zulh lo in nan um ah a ṭha bik lai, 18zei cah tiah hi ca a ṭialtu cu a chungkhar hna he Susa khualipi kutka ah hri-awh in thah an si cang, cucu zei zong tuah kho Pathian nih amah he aa tlak mi dantatnak kha khulnuar lo in a pek mi a si.  19Hi ca hi zapi hmuhnak ah tar u, cun Jew hna cu an phunglam kha zalonnak he zulhnak nawl pe hna u, 20cun anmah hrawhnak ding ti in khiah mi Adar ti mi thla hleihnihnak, ni hleithum ni ah anmah hrawh a tim mi hna ral poh in khamh hna u.  21Zei cah tiah hi ni cu zei zong tuah khotu Pathian nih a thim mi miphun hna rawhnak ni si lo in lawmhnak ni ah a ser cang. 22Nanmah tu cu hi puai cu nan ni sunglawi mi nikhat bang nuamhnak phunzakip he  tuah hna u, , cucu nanmah le lungthin ṭha a ngei mi Persia mi hna ca ah cun nan luatnak philh lonak a si lai i nan ral hna ca tu ah cun an rak rawhnak theihternak a si lai.

24Hi ca a zul lo mi khualipikip, a kau deuh in, ramki poh cu fei le mei in zaangfahnak um lo in hrawh dih an si lai, cu lawng si lo in, minung um khawh lonak le saram hna le van vate hmanh nih an huat mi hmun ah ser a si lai.  

13Hi nawlchuah ca, ramṭhen kip i upadi pakhat in thanh ding mi cu, mikip sin ah an phawt hna, cucu Jew pawl cu, cu ni ah anmah ral hna kha teirul cham ding timhcia an um khawh nakhnga caah a si. 14 Thawngthantu hna cu siangpahrang rang i cit in siangpahrang nawlpeknak bang in khualrang le hnawh ngai in an tli. Cu ca cu Susa khualipi chung zong ah an thanh ve. 15Modekai cu bawi inn in aihre le puangrang rong bawithuam i thuam in, sui luchin nganpi le angki sen fualpi he a chuak. Susa khualipi cu lawmhnak he a au. 16Jew hna ca ah cun hmaipanhnak le lawmhnak, thanuamhnak le upatnak ni a si.  17Siangpahrang cachuah a phaknak ramṭhen le khualipi i a um mi Jew hna lak ah khan lawmhnak le nuamhnak a um, dinhni ah hmang in puai an tuah.  Rammi tampi cu Jewmi ah an i cang, zei cah tiah annih cu ṭihzah mi miphun ah an i cang.