376. MITHIANG MI UMNAK HMUN

Key:G

1. Mithiang mi umnak hmun, Van Jeruslem thar ahcun, Nika ceu he aa lo mi puanrang an i aih cio i Lianngan Pathian hmaika ah,Lunglawmhnak hla kha an sa zungzal; Nifa tein khi khuapi dawh sui kutka cu, An khar bal lo mi mithiang luhnak khua tha a si.

2. Khi khuapi chungah,Lawmhnak phuntling he an lengti, Ngaihchiatnak le sifah innak phunkip An tei dih cang,Teinak hla sak in an tlongleng;Van Jeruslem thar ahcun,Teinak laksawng sui luchin chinh in sunparnak; Sui bangin an tleu i puanrang aih in hla an sa.

3. Vawlei can dongh tikah, Vancung darkhing antum lai i, Mi Fapa nih lianngannak he vawlei ah a ṭum lai; Miding mi lawng nih mithiang umnak;Khua chungah an lut kho lai;Thlarau caah teinak laksawng sungbik cem cu,Ni bangin an ceu lai Van Jeruslem thar ah.

4. Khamh Bawi biaceih tikah, Misual caah thihnak a si; Pumsa duhnak vialte kaltak law Pathian lei zoh tuah; Kan sualnak nih thlarau nunnak,Lam ṭha kha a hrawh zungzal tawn, Na hrial tak lai khi sualnak lam mui lei Khi cu,  Mithiang mi umnak Van Jeruslem khua cuan u.