175. JESUH PATHIAN BAWIPA

Key: F

1. Jesuh Pathian Bawipa ka duhnak nganbik, Keimah thinlung chungah ka bochanbik ko, Jesuh, Jesuh, maw ka duhbik mi Bawipa, Ka thinlung chungah hin Bawipa rung um tuah.

Cho: Maw Jesuh, ka duhbik mi, Ka thinlung chungah hin, Bawipa rung um tuah, Maw Jesuh, ka duhbik mi, Ka thinlung chung ah hin Bawipa rung um tuah.

2. Thinlung thiang mi lawnglawng a duh mi Bawipa; Na zaangfah dawtnak in kei run ka thianter, Duhnung Bawipa cungah ṭhatnak dih kho lo, Bawipa cung lunglawmhnak kan cham kho cawk lo.

3. Duhnung Bawipa lianhnak a ngan bantuk in, Bawipa thinlung chungah zaangfahnak a ngan, Van le lei a sertu a nganbik Bawipa, Kei mi sual sifak hi run ka zohkhenh ko.

4. Run ka ngai ko, Bawipa ka halnak bangin, Ka lungthin dihlak in run uk ko Bawipa, Vancung ram ah Bawipa nang thangṭhat awkah, A rauh hlanah Bawipa nawl rak ka pe tuah.