16. LIANNGAN BAWIPA SINAH

Key. C

1. Lianngan Bawipa sinah min thannak um seh; 

Hla dawh hla tha he kan nih kan thangthat lai; 

Bawi Jesuh a rung chuak tu zantim ah hin;

Vancungmi vialte zongnih an thangthat ko.

Cho: Alleluia; Alleluia; 

Lunglawmhnak hla he kan i lawm cio.

2. Vancung siangpahrang cu kan sinah a ra;

 A tumnak inn-pi kha caw-inn te a si; 

A ih-nak innpi kha cawrawl kuang a si; 

Lianngan naute Jesuh na min thang ko seh.

3. Kan pa Adam nih thingthei kha a ei cang;

 Kan nu Eve nih khan ei awk ah a forh; 

Kan nu kan pa ruangah thihnak kha kan in; 

Fapa Jesuh thawngin tlanhnak kha Kan hmuh.

4. Zangfahnak he a tling  Ngaknu Maria; 

Lianngan Pathian Nu cung kan i lawm Zungzal; 

Pathian lianngannak he Jesuh Kha a pawi;

Tuzan zantim caan ah  kan ca-ah a chuak.