431. IH HLAN THLACAMNAK

Key:D

1. Khamh Bawi Jesuh khua a mui cang; Zan khuamui kan ih lio ah;Zanṭim khuadei kan thawh hlantiang; mangṭha rak kan pe hram tuah.

2. Kan rianṭuannak kan re a thei;Thabatnak kan in tikah; Kan thlarau le kan nunnak kha,Na sinah kan pek, Bawipa.

3. Kannih kan sualnak vialte hi,Bawipa na sinah kan chimh;Kan hlawt dih cang sualnak vialte; Ngaihthiam in rak kan thlah tuah.

4. Kan it canglai maw kan Bawipa Setan tukforhnak chungin; Kan huppheng law kan kaltak hlah; Mangṭha rak kan pe zungzal.