NGIACHIA BAPTISMAL PEKMAK

T. Nu le pa le lutlaitu hna, hi ngakchia hna caah zeidah nan hal?

K. Tipilnak kan hal.

T. Nannih nih nan fale caah tipilnak kha nan hal cang. Hi tin nan tuah cu zumhnak kong cawnpiaknak tavuan nan i lak a si. Khrih nih a kan cawnpiak bantuk in Pathian le innpa dawtnak in Pathian nawlbia kha zulh awkah nan cawnpiak lai. Nan tavuan hi nan theithiam maw?

K. Kan theihthiam.

( Lutlaitu kha a hal hna. )

T. Nannih nih ngakchia hna i an nu le an pa hna kha Krifa nu le pa `avuan an `uannak ah bawmh nan i tim maw?

K. Kan i tim.

T. Ka dawt mi ka fale hna, Krifa bu nih lunglawmh-nak nganpi he an don hna. Krifa bu min in kan Khamhtu Kri ta nan si tiah vailamtah hmelchunh-nak in kan ti hna.

( Cal ah vailamtah hmelchuhnak tuah ding )

T. Nu le pa le lutlaitu hna Kri kan Khamhtu hmel-chunhnak kha nan fale cal ah rak tuah tuah hna u.

Baibal relnak

Voikhatnak (Rom 8:28-32)

Pathian nih hin amah a daw mi hna caah le amah nih aa timh ning tein a kawh mi hna caah cun zeizong vialte hi a tha lei ah a serpiak ko hna ti kha kan hngalh. Pathian nih a thim cia mi hna cu a Fapa bantuk kha an sinak lai a dang tein a thleidan hna, zeicatiah unau rual tampi lakah a Fapa cu an upabik a sinak hnga caah a si. Hi vialte hi kan lung chungah i chiah in zeitindah kan ti lai? Pathian cu kanmah lei in a tan ahcun aho nih dah a kan do khawh hnga? A Fapa hrimhrim hmanh kha a zuah tung lo, kan dihlak caah pei a pek kha! A Fapa kha a kan pek ahcun thil vialte zong hi a lak in a kan pe hnga lo maw?

T. Pathian bia a si.

K. Pathian cungah lawmhnak um ko seh.

Psalm Hla Chawnhlehnak (Ps. 23:1ff)

R. Bawipa cu ka tuukhal a si.

zeihmanh ka herh lai lo.

1. Bawipa cu ka tuukhal a si, zeihmanh ka herh lai lo. Ram hringno lakah a ka bawhter; Dinh hmun ti pawngah a ka hruai; Ka thlarau kha hrimter awkah. R/

2. A min caah lamding in a ka hruai; Muihnak hawrkuang chungah kal hmanhning law, zeihmanh ka `ih lai lo; Na thiangthunh le na tanbo he na ka umpi i, cu hna cun hnangamnak na ka pek. R/

3. Ka ral hna hmaika ah rawldanghnak na ka serpiak. Ka lu kha chiti in na tawih cang i, ka hrai cu a liam in a liam. R/

4. Na `hatnak le na dawtnak nih ka nun chung vialte an ka umpi lai. Bawipa inn chungah cun ka um lai, a zungzal dong hin loin. R/

Alleluia (Jn 14:6)

Keimah cu lam le biatak le nunnak ka si; Keimah thawng loin ahohmanh ka Pa sinah an ra kho lo.

Thawngthabia (Mk. 10: 13-16)

Jesuh sinah khan a kut in rak tawng hna seh tiah ngakchia tete kha an ratpi hna. Sihmansehlaw a zultu hna nih khan cu hna cu an rak sik hna; cucu Jesu nih a hmuh tikah a thin a hung i a zultu hna cu, “Ngakchia cu ka sinah ratter ko hna u, Pathian pennak cu hi bantuk mi hna ta hi a si caah annih cu kham hna hlah u. Mahhi philh hlah u: Pathian pennak kha ngakchia nih an cohlan bantuk in a cohlang lo mi cu ahohmanh Pathian pennak chungah cun an lut lai lo,” tiah a ti. Cun ngakchia cu a pom hna i an cungah a kut a chuan i thluachuah a pek hna.

T. Bawipa thawngthabia a si.

K. Kri, na cungah thang`hatnak um ko seh.

Zapi Thlacamnak

T. Ka dawt mi u le nau hna, kan Bawipa Jesuh Kri nih baptisma a hmu hnga mi hi ngakchia si hna seh, an nu le an pa le lutlaitu si hna seh, baptisma a hmu cia mi vialte si hna seh, dawtnak in a zoh-khenh hna nak hnga thlacam u sih.

T. Na thihnak le thawh`hannak biathuk in hi ngakchia hna hi ceunak in kholh hna law, baptisma nih a pek mi nunnak thar kha run pe hna law na Bupi thiang chungah rak luhter ko hna.

R. Bawipa, kan thlacamnak run ngai ko.

T. Baptisma le Thiang Thlarau thapeknak thawngin zumh awktlak zultu le na thawng`habia phuangtu tehte ah run ser ko hna. R/

T. A Thiang mi nunnak in Pathian pennak i lawmhnakah rak hruai ko hna. R/

T. An nu le an pa le lutlaitu hna i nuncan ziaza hi an fale hna caah zumhnak lei zohchunh awk rak siter ko. R/

T. An chungkhar kha na dawtnak in rak zohkhenh zungzal ko. R/

T. Kanmah pakhat cio chungah baptisma vel kha run tharchuah ko. R/

Khuachia ~hawlnak

Zeizong vialte a tuah kho i a zungzal a nung mi Pathian, na Fapa ngeihchun kha thlarau `halo, Satan `hawnnak kha `hawl awkah, minung kha khuamui pennak chungin khamh awkah le na pennak i ceunak chung i hruai awkah, vawlei ah na rak thlah. Hi ngakchia hna caah thla kan cam: sualhram in rak luatter hna, na sunparnak biakinn ah ser hna law na Thiang Thlarau kha an chung i um awkah run thlah ko, tiah kan Bawipa Kri min in kanin hal. Amen.

Khamhnak Chiti Thuhnak

Khamhtu Khrih min in khamhnak chiti kan thuh.

A zungzal a nung i a uktu Khrih nih a thawnnak in thazang in pe ko seh.

K. Amen.

Ti Thluachuah peknak

Kan Pa, sacrament hmelchunhnak in vel kha na kan pek. Sacrament hmelchunhnak hna nih hmuh khawh a si lo mi na `hawnnak nih a tuah mi khuaruah-har thil hna kong kha an kan chimh. Baptisma peknak ah na laksawng ti kha kan hman. Ti cu hi sacrament chungin na pek mi vel laksawng a rum ning kha a phuangtu hmelchunhnak ah na ser cang.

Kan Pa Pathian, vawlei hramthawk caan ah na thlarau cu ti cungah aa chawk i, thiannak vialte chuahnak tiput ah na rak ser. Buanchukcho kha sualnak kha a donghnak ah a phanhter i `hatnak kha a thar in thawk`hannak a pe kho mi baptisma ti i hmelchunhnak ah na rak ser.

Kan Pa Pathian, Rili sen ti thawngin Israel kha sal cannak in na hruai i, baptisma thawngin sualnak in luatter a si mi a thiang mi Pathian miphun i muisam ah na rak ser. Jordan ti chungah na Fapa cu Johan nih baptisma a pek i, Thiang Thlarau in tawihnak a hmu.

Na Fapa nih vailam cung aa thlai lio ah ti le thi kha a hnak in luang seh ti a duh. A thawh`han hnu ah a zultu hna kha, “Kal u law, miphun vialte kha va cawnpiak hna u; Pa le Fapa le Thiang Thlarau min in baptisma va pe hna u,” tiah a chimh hna.

Kan Pa Pathian, na Bupi hi dawtnak in run zoh law a cungah baptisma cerhti kha rak luanter ko. Thiang Thlarau `hawnak in hi ti cungah na Fapa vel kha run `hum ko. Minung kha nangmah mui he aa lo in na ser bangin ti le thlarau in hrin`hannak a hmu mi na fa hi a sualnak vialte khan rak thenh ko tuah.

( Ti kha orhlei kut in a tongh i )

Kan Pa Pathian, na Fapa thawngin hi ti cungah Thiang Thlarau kha run thlah ko tiah kanin nawl. Baptisma thawngin Kri he hmunkhat ah a thi i vuinak a ing mi vialte hna kha nunnak thar ah rak thawhter than ko hna, tiah kan Bawipa Kri min in kanin hal.

(Asiloah)

Maw Bawipa, ra law na salle hna nih tipil an innak caah kan hman hnga mi hi ti hi Ξthluachuah run pe ko tuah. Annih kha na Bupi zumhnak chungah nunnak thar in kholh awk caah na auh cang hna bangin zungzal nunnak kha rak ngeihter ko hna, tiah kan Bawipa Jesu Kri min in kanin hal. Amen.

Satan Hlawtnak

T. Satan na hlaw maw?

K. Ka hlawt.

T. A riantuannak vialte na hlaw maw?

K. Ka hlawt.

T. Pokpalawng a biakam mi vialte na hlaw maw?

K. Ka hlawt.

Zumhnak Bia Phuannak

T. N,... Zeizong tuah kho van le vawlei sertu Pa Pathian kha na zum maw?

K. Ka zumh.

T. Ngaknu Thiang Mary nih a hrin i vailam an tah, a thi i an vui, mithi sinin a thothan i atu ah Pa Pathian orhleikam ah a thu mi Pathian Fapa ngeihchun kan Bawipa Jesuh Khrih na zum maw?

K. Ka zumh.

T. Thiang Thlarau, a thiang mi Katholik Bupi, mi-thiang mi pumkhat sinak, sual ngaihthiamnak, pum thawh`hannak le zungzal nunnak na zum maw?

K. Ka zumh.

T. Mahhi kanmah zumhnak a si. Mahhi Bupi zumhnak a si. Kan Bawipa Jesu Kri chungah kan zumhnak phuan hi kan i uanpi mi a si.

K. Amen.

T. Atu i kan phuan mi Bupi zumhnak chungah N., kha tipil inter nan duh maw?

K. Kan duh.

T. N., Pa le Fapa le Thiang Thlarau min in baptisma kan pek.

Chiti Thiang Thuhnak

Pathian, kan Bawipa Jesuh Kri, a Pa nih sualnak vialte in an luatter cang, ti le Thiang Thlarau in hrinnak thar kha an pek cang i, a miphun thiang chungah an luhter cang. Anih nih atu nangmah kha khamhnak a pe mi chiti an thuh. Kri cu Tlangbawi, Profet le Siangpahrang in chiti thuh a si bangin, nang zong zungzal nunnak kha aa hrawm mi a pum cheubang pakhat in nung zungzal ko tuah. Amen.

Puanrang Khuhnak

T. N., nang cu ser thar mi na si cang i Kri kha naa hruk cang. Hi puanraang kha i lak law zungzal nunnak na ngeihnak hnga kan Bawipa Jesu Kri biaceihnak `hutdan na phanh tiang thurter loin i put ko tuah.

K. Amen.

Phazawngdan Mei Peknak

T. Nangmah cu Kri nih ceunak an pek cang. Ceunak fa bangin nung zungzal ko law na lungthin chungah zumhnak mei-alh cu nunter zungzal ko tuah. A rat tikah, vancung pennak chungah mithiang vialte he Bawipa kha dong te ko.

K. Amen.

Hna Le Hmur Hun Piaknak

Hna a chet mi kha a theihter i holh a aa mi kha bia a chimter khotu Jesu Bawipa nih a rauh hlanah Pathian bia kha ngai in le zumhnak bia phuanter in Pathian lianngannak kha thang`hat awkah na hmur le na hna kha rak hung ko seh.Z Amen.

Bawipa Thlacamnak

Vancung a um kan Pa,.......

Thluachuah Peknak

Nunnak le dawtnak a thawhnak a si i nu le hna lungthin kha fale cung dawtnak in a khahter mi Pathian nih baptisma a hmu mi hi ngakchia hna an nule kha thluachuah in pe ko hna seh. Annih nih him tein fa an hrin caah Pathian kha an lawmh bantuk in an fale hna nih an dawt hna nak le an `hannak le an thiannak ah lawmhnak hmu ko hna seh. Amen.

Pa hna an Pale zohchunh awk a si mi Pathian nih pale hna kha ziaza `ha in an fale an hruai hna nakah run bawm ko hna seh. An fale cu Jesu Kri a tlinnak chungah khan `hanter ko hna seh. Amen.

Minung vialte a dawtu Pathian nih lutlaitu, ule nau, hawikom vialte kha thluachuah in pe ko hna seh. A zangfah dawtnak in `hatlonak khan in zohkhenh ko hna sehlaw daihnak kha tampi in in pe ko hna seh. Amen.

A lianngan Pathian, Pa, le Fapa, le Thiang Thlarau nih thluachuah in pe ko hna seh. Amen.