THITUMNAK SACRAMENT

Luhnak Antiphon

Bawipa nih a biakinn thiang in bawmhnak in pe hna sehlaw, Zion in in huppheng ko hna seh. Nan lung nih a duh mi kha in pe hna sehlaw nan khuakhannak vialte cungah in bawm ko hna seh.

Hramthawh Thlacamnak

T. Thlacam u sih.

Kan Pa, thitumnak hri kha a thiang mi biathuk, Kri nih a Bupi a dawtnak hmelchunhnak ah na ser cang. N... le N... ca i kan thlacamnak hi run kan ngaihpiak ko. Annih nih nangmah cungah seseh, pakhat le pakhat cungah siseh, zumhnak ngeih in, nihin na hmaika ah hin an i dawtnak caah bia an i kam. An nunnak nih mah dawtnak hi a taktak a si ti tehte a khaan khawhnak lai run bawm ko hna, tiah nangmah le Thiang Thlarau he hmunkhat in a zungzal a nung i a kan uktu na Fapa, kan Bawipa Kri min in kanin hal. Amen.

Baibal relnak

Voikhatnak (Gen. 2:18-24)

Psalm Chawnhlehnak (Ps.128:1-2, 3, 4-5, R.(1)

Cakuat Relnak (Eph. 5:2, 25-32)

Alleluia

Pathian cu dawtnak a si. Amah nih a kan dawt bantuk in pakhat le pakhat i daw u sih.

Thawngthabia Relnak (Mt. 19: 3-6)

Phungchimnak

Thitumnak tuahser ning

Tinhnak Kong Halnak

T. Ka hawi dawt hna, Bawipa nih nan i dawtnak kha tacik a khenh i a fehternak hnga caah hi biakinn ah hmunkhat tein nan rak ra cang. Kri nih hi dawtnak kha thluachuah tampi a tawih. Amah nih nannih kha tipilnak ah an thianter cang hna i, atu nannih nih `hitumnak `avuan kha lungkhat tein nan i lak khawhnak hnga hi special sacrament in an rumter hna i thazang an pek hna. Cu asicaah, Bupi hmaika ah nan i tinhnak kha phuang tuah u.

T. N... le N..., nannih nih thitumnak ah nanmah lungtho tein le lung cheuchumnak um loin pakhat le pakhat nan pum i pek awkah nan ra maw?

P&N. A si, kan ra.

T. Nan nun chung vialte nu le va in kan i daw lai i kan i upat lai, tiah nan i tim maw?

P&N. Kan i tim.

T. Pathian nih an pek hna hnga mi fanu le fapa kha kan cohlan hna lai i, Jesu Kri le a Bupi cawnpiak ning tein Krifa `ha si awkah kan cawnpiak hna lai, tiah nan i tim maw?

P&N. Kan i tim.

Hnatlaknak

T. N... le N..., nannih nih a thiang mi thitumnak kha tuah nan duh bangin, na orhlei kut kha i tlai u law, Pathian le Bupi hmai ah nan hnatlaknak kha phuang tuah u.

(A)

P. Keimah N... nih nangmah N... kha ka nupi caah kan lak. Chiat caan le `hat caan ah siseh, dam caan le zawtfah caan ah siseh, na cungah zumhtlak ka si lai. Ka nun chung vialte kan dawt lai i kan upat zungzal lai, tiah bia kan kamh.

N. Keimah N... nih nangmah N... kha ka va caah kan lak. Chiat caan le `hat caan ah siseh, dam caan le zawtfah caan ah siseh, na cungah zumhtlak ka si lai. Ka nun chung vialte kan dawt lai i kan upat zungzal lai, tiah bia kan kamh.

(B)

T. N..., N... hi kan nu Bupi phung ningin na nupi caah na duh maw?

P. Ka duh.

T. N..., hi nan nun chung vialte a cungah dawtnak le upatnak ngeih in chiat ah chiat khat, `hat ah `hat khat; rum ah rum`i, paam ah paam`i; a dam zong ah siseh, a dam lo zong ah siseh, zumhtlak in ka umpi zungzal lai, tiah bia naa kam maw?

P. Kaa kam.

T. N..., N... hi kan nu Bupi phung ningin na va caah na duh maw?

N. Ka duh.

T. N..., hi na nun chung vialte a cungah dawtnak le upatnak ngeih in chiat ah chiat khat, `hat ah `hat khat; rum ah rum`i, paam ah paam`i; a dam zongah siseh, a dam lo zongah siseh, zumhtlak in ka umpi zungzal lai, tiah bia naa kam maw?

N. Kaa kam.

( An pahnih in A & B )

P&N. Maw Bawipa, nihin thawkin hmailei ah thih-nak nih a kan then hlantiang, chiat ah chiat khat, that ah that khat; rum ah rum`i, paam ah paam`i; dam caan le zawtfah caan ah lungkhat thinkhatte kan si khawhnak lai run kan bawm ko.

T. Keimah nih hika i a um mi Krifa vialte hna kha tehte ah chiah in, nannih nan tuah mi `hitumnak hri cu Bupi nawlngeihnak in ka fehter i thluachuah ka pek. Pa, le Fapa, le Thiang Thlarau min in.

P&N. Amen.

Kutdonghrolh Thluachuah Peknak

T. Maw Bawipa, hi kutdonghrolh hna hi thluachuah run pe law, hi kutdonghrolh aa hrolh mi na sal N... le N... nih pakhat le pakhat cungah dawtnak i ngeih in a zungzal zumhtlak in an nun khawhnak hnga run bawm ko hna, tiah kan Bawipa Kri min in kanin hal.

K. Amen.

( Kutdonghrolh i hrolh lio ah )

P. N..., kan dawtnak le ka biakam fehnak hmelchunh-nak caah hi kutdonghrolh hi kan hrolh. Pa, le Fapa, le Thiang Thlarau min in.

N. N..., kan dawtnak le ka biakam fehnak hmelchunh-nak caah hi kutdonghrolh hi kan hrolh. Pa, le Fapa, le Thiang Thlarau min in.

Halnak A Phunphun

T. Ka dawt mi u le nau hna, nan hal ahcun pek nan si lai, nan kawl ahcun nan hmuh lai, nan kingh ahcun hunh nan si lai, tiah kan Bawipa Jesu nih a chim tak bangin Katholik Bupi caah le nihin `hitumnak a tuah mi hna caah a herh mi vialte kha Jesu Kri min in Pa Pathian sinah lungkhat tein hal u sih.

H. Vawlei cung kakip i a um mi kan nu Bupi kha thluachuah na peknak hnga caah.

R. Bawipa, kan thlacamnak run kan ngaihpiak ko.

H. Pope, Bishop, Siangbawi le Krifa hna nih na duhnak bang an nun khawhnak hnga caah. R/

H. Sifak mi le a zaw mi hna nih an harnak chungah Bawipa dawtnak kha an hmuh khawhnak hnga caah. R/

H. Nihin aa `hi-um mi hna hi lungthin khat in an i komh zungzalnak hnga caah. R/

H. ~hatlonak vialte in na khamh hna nak hnga le harnak an ton caan ah ceunak le thazang na pek hna nak hnga caah. R/

H. Aa `hi-um mi vialte nih sacrament nih a pek mi vel laksawng kha an nunter zungzalnak hnga caah. R/

T. Zungzal in a hmun mi a lianngan Pathian, na sal hna hi dawtnak in run zoh hram ko hna. Nangmah cungah siseh, pakhat le pakhat cungah siseh, zumhtlak in an nun zungzal khawhnak hnga run zangfah ko hna. Nun khua saunak le nunnuamhnak kha run zangfah hna law, an nunnak a dongh tikah an fale le anmah a daw mi vialte hna he hmunkhat in zungzal nunnak laksawng kha run pe ko hna, tiah kan Bawipa Kri min in kanin hal.

K. Amen.

Thitumnak Thluachuah Peknak

T. A thiang mi kan Pa,

minung cu nangmah muisam in na ser i nuu le paa kha pumkhat, lungthin khat in nu le va sinak ah na komh hna i, cuticun hi vawlei cungah na pek hna mi rian cu an tlinter.

Kan Pa, na dawtnak nih khua a khan mi phuan awkah nu le va i komhnak cu nangmah le na miphun karlak ah na ser mi biakam hmelchunhnak ah na ser cang. Hi Sacrament ah hin Krifa nuu le paa i `hitumnak cu Kri le Bupi an i `hitumnak hmelchunhnak a si. Kan Pa, na kut kha rak samh law N... le N... hi thluachuah run pe ko hna.

Bawipa, hi sacrament kha nun hram an thawh bantuk in na dawtnak laksawng hna kha an i hrawmnak hnga le an i `hitumnak chungah nangmah na um kha tehte a khaan mi an si bangin lungthin khat, ruahnak khat an cannak hnga run bawm ko hna.

Hmunkhat tein inn le lo an ser khawhnak hnga le

(Thawng`habia in a nung hnga mi ngakchia hna kha pe hna law ) an chungkhar ah dawtnak a umnak hnga run bawm ko hna.

Na fanu N... hi nupi `ha ( le nu `ha) a si i a va cungah a nun a nem mi, a siang mi le dawtnak a ngei mi a sinak hnga na thluachuah run pe ko.

Na fapa N... hi zumh awktlak va ( le pa) a sinak hnga na thluachuah run pe ko.

Kan Pa, hi vawlei cungah hmunkhat in na cabuai thiang hrawm awkah an rat bangin vancung i nupi `hitnak puai kha lunglawmhnak he nikhatkhat ah rak hrawmter ve ko hna, tiah kan Bawipa Kri min in kanin nawl.

K. Amen.

Laksawng Cung Thlacamnak

T. Bawipa, hi a thar in a `hi-um mi N... le N... ca i kanin pekchanh mi laksawng hi rak cohlang ko tuah. Na dawtnak in samhri na sih hna i na komh cang hna bangin an nunchung vialte thluachuah run pe ko hna, tiah kan Bawipa Kri min in kanin hal.

K. Amen.

Lawmhnak Bia

T. Kan Pa, zeizong vialte a tuah khotu le a zungzal a nung mi Pathian, kannih nih nangmah kha a zungzal cat loin khuazakip ah lawmhnak le thang`hatnak kha a tlak tein kanin pek.

Hi sacrament in na vel nih nuu le paa kha a cat kho lo mi dawtnak le daihnak hri in a komh hna. Nangmah nih a thiang mi nu le va dawtnak kha minung chungkhar le Baptisma in hrinnak a ing mi na chungkhar kha punzam awkah na ser cang. Nangmah cu vawlei minung vialte hna a dawtu Pa na si; nangmah cu vel in ser thar a si mi hna kha a dawtu Pa na si; Krifa `hitumnak ah sernak phung pahnih kha hmunkhat ah na komh hna. Fanu fapa laksawng nih vawlei cu a rumter i na vel nih Bupi kha a rumter ve.

Kan Bawipa Jesu Kri thawngin vancung mi le mithiang vialte hna nih na sunparnak kha an thang`hat i anin biak. Kannih zong cat loin an sak mi hla kha aw khat tein kan sak ve.

Bawipa Thisa Hlannak Antiphon

Kri nih a Bupi kha a dawt i a caah a nunnak kha a pek. Cuti a tuah cu Bupi kha a thiang i amah ca lawng ah a si mi leengnu a si awk caah a si.

Bawipa Thisa Ei Hnu Thlacamnak

Bawipa, na dawtnak in kannih kha nangmah he siseh, kannih pakhat le pakhat kha siseh, kan i komh awk caah na thi le na sa kha na kan pek cang. N... le N... hi thitumnak sacrament thawngin (le changreu hlumkhat le khamhnak hrai pakhat an i hrawmnak thawngin) pumkhat ah na ser hna bangin pakhat le pakhat an i dawtnak zongah pumkhat rak siter ko hna, tiah kan Bawipa Kri min in kanin hal. Amen.