SIRACH 10

Uktu he

10 Hruaitu fim nih a mi kha fim a chimh hna i a kuttang um mi hna cu umtu ning kha a chimh hna. 2Hruaitu hnu kha a zungbawi hna nih an zulh, uktu hnu kha khuami zong nih an zulh ve. 3Nunzia rawk siangpahrang cu a mi hna rawhnak a si, khuapi cu mifim hruaitu thawng in a hungcho lai.  4Vawleicung uknak cu Bawipa kut ah a um, a caan a rem tikah hruaitu ṭha kha a pek. 5Minung hlawhtlinnak cu Bawipa kut ah a um, Phungbia cawnpiaktu kha upatnak a thuamh.

Porhlawtnak ralchanh in

 6Na innpa ṭhat lonak vialte kha na lung in uam hna hlah, na lung i a um mi poh zei hmanh tuah hlah.  7Porhlawtnak cu Pathian ca le minung ca ah huat a tlai, cun din lonak cu an pahnih sin ah fih a nung.  8 Nawlngeihnak cu ram pakhat hnu pakhat aa ṭhial, din lonak ruang ah puarthaunak le tangka zong a si ve.

9Leidip le vutcam nih i porhlawt ding zei dah a ngei? A nun lio hmanh ah a chungril hna cu fih an nung. 10 Saupi zawtnak nih siibawi a hruhter: nihin siangpahrang cu thaizing ah miruak a si.  11Thih tikah i kan covo cu hngerhte, saram le rungrul an si lai; an i khat dih lai.

12Porhlawtnak i hmasa bik karhlan cu Bawipa hnu chit le a lungthin kha sertu sin in mer kha a si. 13Zei tin tiah porhlawtnak i hmasa bik karhlan cu sualnak a si, amah aa tlaihchih mi poh sin in fihnung thil an chuak lai. 16 Cucaah Bawipa nih cu bantuk mi cu ruah lo pi in dan a tat hna i a hrawh dih cikcek hna. 14 17Bawipa nih milianngan cu an bawi ṭhutdan in a thlak hna i mi toidor kha a ṭhutter hna. 16Bawipa nih miphun ram cu a lehthal i vawlei i aa bunhnak a hrampi in a hrawh hna. 15 18Bawipa nih mi porhlaw cu an hram in a bawh hna i mi toidor kha a phun hna. 16 20 Bawipa nih miphun dang hna ram cu a thlak i annih kha vawlei hram deng tiang in a hrawh hna. 17 20 A caan ah cun annih kha a chuah hna i a hrawh hna, 21cun an philh lonak kha a hloh dih hna. 18 22Porhlawtnak cu minung ca ah ser mi a si lo, thinchiatnak cu minu paw chung  in a chuak mi a si lo.

Upat tlak mi hna

19Zei phun dah upat a tlak? Minung phun. Zei phun dah upat a tlak? Bawipa a ṭihmi hna.  Zei phun dah fih a nung? Minung phun. Zei phun dah fih a nung? Phungbia a buar mi hna. 20Hruaitu cu a unau nih an upat, Bawipa a ṭih mi cu amah nih a upat. 22Mirum, phunbawi le misifak, an i porhlawtnak cu Bawipa ṭihnak ah siseh.  23A thluak a ṭha ko nain a si a fak mi zawmhtaih cu a hmaan lo; cun misual upat zong cu a hmaan ve lo.  24Hruaitu, biaceihtu le milianngan hna cu upat ding an si ko, sihmanhsehlaw aho hmanh Bawipa a ṭih mi nakin an lianngan deuh lo. 25A fim mi sal nih bawmtu ah miluat aa chiah kho men, cun thlarau a pemh cang mi nih cun a zai lai lo.

 Tluantlamnak le toidornak

26Rian na ṭuan tikah thiamtuk i zuam hlah, na har caan ah na bia tam hlah. 27Aa phuang len nain ei awk a ngei lo mi nakin rian fak a ṭuan nain tampi a ngei mi a ṭha deuh. 28Ka fa, a tawkzawn in i hmu law a hmaan ning tein i sunhsak. 29Amah lea mah harnak aa pe mi cu aho nih dah a hmaan a ti khawh lai? asilole amah le amah aa nautat mi cu aho nih dah a upat lai?   30Misifak cu a fim caah upat a si i mirum cu a rumnak caah upat a si. 31Mi pakhat cu a si a fah lio hmanh ah upat a si ahcun a rum chinchin ahcun zei tluk in dah upat a si lai! A rum lio hmanh ah nautat a si ahcun a si a fah tikah zei tluk in dah an nautat chinchin hnga!