11. TUUKHAL HNA TUANBIA

Key: F

1. Judea ram Bethlehem khua ah,

Ngaknu Thiangmi Maria nih;

Minung vialte a kan khamhtu ah, 

A Fate Jesuh kha a hrin.

Cho:  Alleluia, lunglawm cio u, 

Alleluia; Vawlei cungah Pathian, 

Kan Bawipa a chuak cang.

2. Tuukhal hna nih a hlat lo hmun ah,

Tuufa run kha an khalh lio ah,

Vancungmi kha fiangtein an hmuh. 

Thawngthang le ceunak he a lang.

3. Tuukhal hna nih thawng an theih tikah; 

An thinphang in an ther lio ah,

Vancungmi nih maw leicungmi hna, 

Tih hin hlah u, i lawm tuah u.

4. Minung vialte nih duhnak nganbik, 

Lunglawmhnak bia thanh awk kan phawrh; 

Vancung mi nih fiang tein an Chim, 

Bawi Khrih Jesuh nihin a chuak.

5. David khua pawng cawrawl kuang Chungah,

Thawngtha Ngakchuahsem a Chuak cang; 

Cawkuang chungah puante in an zual, 

Van le vawlei Bawipa a it.

6. Tuukhal hna nih lunglawmhnak ngan he,

Rianrang tein an va kal i.

Thanglawi tum pah in Naute hmai ah, 

lukun khukbil in an thangthat.

7. Kannih caah chuak mi Bawi Jesuh,

Kannih caah sifah ing mi; 

Kannih hna zong tuukhal hna bangin; 

Zangfahnak vel run kan pe tuah.