Fimnak 11

11 1Profet thiang pakhat thawng in, an cawlcanghnak cu hlawh na tlinter. 2 Mi um lonak thetse ram in an kal i an thlam cu mi phak khawh lonak hmun ah an sak. 3 An ral hna hmai ah fek tein an dir i an ṭhio dih hna.

A lettalam in a si mi pakhatnak: Ti khuaruahharnak

4An ti a hal tikah na sin ah an au i lungpang in ti, lunghakpi in an tihal riamhnak sii  cu na pek hna.  5Cuti cun an ral hna da antatnak a rak si mi thil cu an har caan ah anmah ca ah ṭhathnemnak a chuahpi mi thil ah a cang. 6 Cu lio ah an ral hna cu thi le nawncek in a thur mi tiva luang pakhatte lawng kha an ngei, cucu anmah kha ngakchia thahnak nawl an chuah mi ca ah dantat awkah a si, 7 na mi hna cu lungdonghnak pinlei ah ti cu tampi in na pek hna, 8cun an ton mi tihalnak in na rak chiah cang hna nak nih an ral hna dan na tat hnanak cu zeitluk in dah a fah ti kha na theihter hna. 9Dawtnak he chimhhrinnak men a si mi ṭihnung an harsatnak in thinhun biachahnak nih pathian hngal lo hna cu zei tluk in a hrem hna ti kha na hngalhter hna; 10zei cah tiah pa nih a fapa kha a chimhhrin bang in na mi cu na hneksak hna, asinain adang tu cu zaangfahnak ngei lo siangpahrang bang in dan na tat cang hna; 11cun lamhla he lamnai he aa tluk tein an in. 12Zei cah tiah ngaihchiatnak nih a thuat in a tlunh hna i a luancia caan kha an ruah tikah an hrum an ai len; 13 An in mi daantatnak cu midang ca ah ṭhathnemnak a si ti kha an hmuh tikah a tuahtu cu Bawipa a si ti an hngalh, 14cun zeizongte a dih tikah khuatuanpi ah an rak nihsawh i an rak rak ṭhawl mi mipa cu vkhuaruahhar in an zoh ko cang, zei tin tiah anmah tihalnak cu miding hna tihalnak he aa thlau tuk.

Izip cung Pathian thinfualnak   

15 Thluak ngei lo rul le fihnung ceep hna biaknak ah lam a pialpi mi an hruhnak le an lungthin chiatnak ruang i anmah dantatnak ca ah thluak ngei lo sarambu kha na thlahhnawh hna, 16cucu sualnak a chuahpitu nih dantatnak a chuahpi ve ti kha cawnpiak hna awk a si. 17Biangaite, muisam a ngei lo mi thil in hi vawlei a sertu, zeizong tuah kho na kut nih cun anmah cung ah vom le chiandeih hrang hna bu, 18asilole serthar mi le thinhunnak in a khat i an kaa in meikhu a chuahter mi, asilole, a thaw ah sivai meikhu aa tel mi, asilole an mit in ṭihnung meiṭil a chuahter mi sahrang bu hna a chuahter khawh si lo in, 19an ṭihnung an muisam in mi a thihter kho mi hmanh na chuahter kho. 20Cun na thaw voikhat chemnak in na choiter dih kho ko, dinnak nih a dawi hna lai i na thaw thliher nih a kalpi dih hna lai. Sihmanhsehlaw nang nih cun zeizongte cu an phut mi cawi, milu le nambat in lai na rel hna.

Hi lungsaunak kong fianternak

21Zei cah tiah na lianhngannak cu nangmah ca ah a si zungzal i aho nih dah na baan ṭhawnnak cu a tuar khawh lai? 22Nangmah ca ah cun vawlei pumpi hi cuailung cung i fang mukhat le vawlei ah a tla mi dapti dorkhat hmanh a si lo. 23Nain mi vialte na zaangfah hna, nang cu nan lianhngan i sual an i ngaihchih khawh nakhnga an sualnak cu na maimilhpiak hna. 24A si, nang nih cun zeizongte na dawt i na tuah mi zeihmanh nih na luak an in chuah lo, zei tin tiah thil pakhatkhat kha na huat a si ahcun na rak ser hnga lo. 25Cun na rak dawt lo a si ahcun zei tin dah thil pakhat kha cu a can khawh lai? Asilole, nangmah nih na auh lo a si ahcun zei tin dah a him khawh lai? 26A si lo, zeizongte cu nunnak dawtu nangmah ta an si bang in nangmah nih na rak zuah hna.