252. KA THLARAU A THUH   

Key: D

1. Jesuh ka Bawipa cu ka khamhtu a si, Khamhtu khuaruahhar ngai a si, Lungpi chungah ka thlarau cu a thuh i, Lawmhnak tiva kha ka hmuh hna.

Cho: Lungpi chungah ka thlarau kha a thuh ko,Thladem petu lungpi chungah, Amah dawtnak chungah khan ka nunnak cu, a chiah i a ka hupphenh, A kut in a ka huppheng ko.

2. Jesuh ka Bawipa cu ka khamhtu a si, Ka thilrit kha a ka lakpiak, Amah nih a ka dawmh i ka ril lai lo, Nifate thazaang a ka pek.

3. Thluachuah relcawk loin a ka pek zungzal, Thil ṭha ka hman cawklo tiangin, Ka lunglawmh in Pathian cu ka thangṭhat ko, Cu bantuk keimah Tlanhtu cu.

4. Puanraang aih in van i amah ton awkah; Keimah cu ka hung kai tikah; Mi thong tampi hna he amah dawtnak cu, Kei zong fakpi in ka sak ve lai.