83. VANCUNGAH JESUH A KAI

Key:A

1. Vancung ram ah Jesuh a kai cang, Ral teinak hla sak in au u; Minmei cungin Bawipa cu a kai; Zultu hna nih thep loin an zoh; Cu lio ah vancungmi pahnih hna cu; Sunpar dawhnak he an hung lang; Nihin nan hmaika ah a kai bang, Lianngannak he a tumthan lai. )2

2. Khuaruahhar biathuk pum a si mi, A Bupi kha a derhtak cang; Zumtu hna lawng kha chiahtak loin, A thlarau in a kan umpi; A nun lio ah nunnak bia a kan chimh; Nunning phunglam a kan hmuhsak; Siseh atu van dum pinah khin, Kan ca umnak a kan remhpiak. )2

3. Bawipa Jesuh Khrih nih a kan chimh, Ka hnu run ka zul u a ti; Jesuh keneh Kha kan zulh ahcun, Amah he Pumkhat kan si lai; Khamhtu Bawipa Khrih bia kan zulh lawngah, Vancung nuamhnak cu kan co lai; Jesuh a kainak hmun vancung lam, Ka theih cang kei zong ka kal lai. )2