10. TUUKHAL SIN THAWNGTHANHNAK

Key :G

1. Tuukhal nih tuu an zoh lio ah, 

Vawlei an thut lio ah,

Vancungmi nih an rungtum i, 

Thawngthang le ceunak he; 

Tih hin hlah u, leicung mi hna,

Lunglawmhnak, lunglawmhnak bia kha,

Nan sinah kan run in thanh hna; 

Lunglawmh in i nuam u.

2. David khua ah nihin ah hin,

David phun hrinsor cu, 

A kan khamhtu Bawi Jesuh cu,

Naute in a chuak cang; 

Puante in an hlawm an zual i,

Cawrawl kuang ah an thlim mi kha, 

Nannih a tu kal in kawl u;

Naute cu nan ton lai.

3. Khi bia kha a chim dih tikah,

Vanmi tampi an ra;

Thawngtha Pathian nan rak lawmh lai;

Zungzal in nan lawmh lai;

Vancung Pathian thangtha ko seh; 

Vawlei cung mi nun nuamhternak; 

Pathian zangfah sunparnak kha, 

Minung sinah tlung seh.