SIRACH 5

Rumnak le mirum ah i ruahnak

5 Na tangka i bochan hlah, cun, “Hihi cu kaa za diam cang,” ti hlah. 2Na lung duhnak zulh awkah na or le na tha nih in uk hlah seh. 3Bawipa nih dantatnak a pek caah, “Aho dah ka cung ah nawl a ngei?’ ti hlah. 4Bawipa a lung a sau ca ah, “Ka sual nain zei ṭhat lonak nih dah a ka tlunh bal,” ti hlah. 5Sual ngaihthiamnak hmuh ding i zum tuk in sualnak cu pakhat hnu pakhat va tuah hlah. 6 “A zaangfahnak a ngan caah ka sualnak tampi cu a ka ngaihthiam lai,” ti hlah, zei cah tiah amah he cun zaangfahnak le dantatnak an um i a thinhunnak nih misual hna kha a lanhtak hna lo. 7Bawipa sin ah i mer na khul nuar hlah seh, thawn len hlah; zei cah tiah ruah lo pi in Bawipa thinhunnak cu a alh lai i dantatnak ni ah hrawh cikcek na si lai. 8Ningcang lo hmuh mi chawva i hngatchan hlah, vanchiatnak ni ah zei san an tlai lai lo.

Dinnak le mah le mah i uk khawhnak

9 (Minal misual nih a tuah bangin) Thli a hrannak poh ah vaa thui hlah, cun lamkip va zul hlah. 10A hmaan na ti mi kha fek tein i tlaih, cun na bia bang in. 11Bia ngaih awkah timhcia in um law ralring tein let. 12Na hngalh ahcun na innpa cu a bia let; a si lo ahcun na kut in na kaa i hup. 13Biachimnak in upatnak le thangchiatnak an ra, lei cu a ngeitu i tlaknak a si. 14Nangmah le nangmah kha mithang a chiattu ah i ser hlah, na lei in rap i chiah hlah; 17zei cah tiah ningzahnak cu mifir ca  ah khawn mi a si bang in lihchim hna cu sualphawtnak fak nih a hngah ko hna. 15 Thil pipa le thil hmete zong ah va sual hlah; cun hawikomhnak cu ral sinak he i thleng hlah;