Judit 1

I: HOLOFERNI RALHRANH

Nebukhadnezar le Arfazad

1. 1 Cucu Nineveh khualipi in Assiria mi hna a rak uktu Nebukhadnezzar a pen kumhleihnihnak ah a si. Cu lio  caan ah cun Arfazad cu Ecbatana in Medes mi hna kha a pen hna. 2A khualipi vanpang cu dongthum a chah, dongruk a sau mi pangpar a suai i lungdawh in a kulh, cucaah ralhruang cu dong sawmsarih a sang i dong sawmnga a kau. A kutka ah khan dong zathum a sangmi innsang a sak, a hram cu dong sawmsarih a sang i dong sawmnga kau. 4 Kutka hna hrimhrim cu dong sawmsarih a sang i dong sawmli a kau; cucaah a ralkap hna cu an bupi ning in an chuak kho i ke-ralkap hna zong zalawng ngai in an i cer kho.

5Hi caan hrawng ah hin siangpahrang Nebukhadnezzar nih siangpahrang Arfazad cu Ragae ram i nelrawn nganpi pakhat ah khan a tuk. 6 Nebukhadnezar a ṭanpitu hna cu tlangcung mi hna, Zufrati, Tikri le Haidespe i a um mi vialte, cun Elimaean siangpahrang, Arioch, kuttang i nelrawn fale vialte an si. Cucaah miphun tampi cu Khiliodaih raltuknak ah i tel ding in an i timlam.

7Assiria siangpahrang Nebukhadnezar nih Persia ram i a um mi vialte hna, nitlaklei ram i khua a sa mi vialte hna, Cilicia, Damaska, Lebanon, Anti-Lebanon le rilikam i a um mi vialte hna, 8Karmel, Kilead, Chak Galilee, Esdraelon nelrawnpi le 9Cung Samaria le a khua pawng khuapi hna; Jordan tiva ral ram hna- Jerusalem, Bethani, Chelous, Kadesh, Izip tiva, Tapani, Ramese le Kohsen tiang; 10 Tanis pinlei tiang zong le Memfi le Izip ram vialte, Ethopia ramri tiang ca a kuat hna. 11Sihmanhselaw hi rammi hna nih Assiria siangpahrang Nebukhadnezar i sawmnak kha zei an rel lo i raltuknak ah an i thawh ve lo. Amah kha an ṭih lem lo; zei cah tiah annih an hmuhnak ah amahte lawng in a um mi a lo. Cucaah a lamkaltu palai hna cu hlawhcham le ningzak in an kirter hna. 12 Nebukhadnezar cu hi ram hna cung ah a thin a hung tuk. Cucaah a bawiṭhutdan le pennak in chiat i serh in, Cilicia, Damaska le Siria ram vialte hna, cun  Moab mi le Ammon mi hna, Judaea mi le Izip mi hna, cun  rili pahnih hna donghnak tiang teirul cham i an zapi vainam in sam dih ding in bia aa kam.

Arfazad a kalhnawhnak

13Kum hleisarihnak ah khan a ralkapbu dihlak hna he siangpahrang Arfazad cu a tuk i hi tuknak ah hin amah nih a tei. Arfazad ralkapbu dihlak le a ke-ralkap le a rangleng hna kha a ṭhio dih hna. 14 An khuapi hna cu a lak hna i Ecbatana tiang a va nor; a innsang hna cu a lak hna i a market hmun hna cu a hrawh dih hna, khuatuan i a lianhngannak vialte cu caposaihnak ah a chiah.  15 Cu hnu ah Arfazad cu Ragae tlangsang hna ah khan a tlaih i a fei in tleng lak a sawh i voikhat ah zungzal ca in a hrawh.16  Cu hnu ah a ralkap le amah he a rak i fon mi hna he: a ralkap rel cawk lo he aa din.  Cu hnu ah amah le a ralkapbu hna cu zei hmanh phannak um lo in ni zakhat le ni kul tiang puai an tuah i an i nuam.