2.RA TUAH, KAN TLANHTU BAWIPA 

Key: G

Cho: Ra tuah, kan Tlanhtu Bawipa,

Leicung mi hna tlantu dingah,

Sualnak chungin luatkan duh;

Bawipa, rianrang rung ṭum tuah.

1. Duhtlak Bawipa, khuamui lakah, 

Thihnak thlam chung a um mi hna, 

Khuaceu nak rianrang rak tlun ter; 

Ngaihchia in sual kan ngaihchih; 

Kan sualnak kha na thlah ahcun,

Kannih lung aa lawm ko lai;

Bawipa, rianrang in ra tuah.

2. Nangmah hmai ah, toidornak he, 

Na thinhun nak a daihnak hnga,

Nangmah lawnglawng kan in bochan; 

Ral doh awk kannih lakah; 

Rulhreu vialte nih an kan dum; 

Annih kha tei khawh awk ah, 

Bawipa, rianrang in ra tuah.

3. Nikhatkhat ah, vancung ram ah, 

Na huham le na min lianhnak;

Aw khat tein lawmh awk kan duh;

Na thim cia miding hna ca'h; 

Na biakam mi nunnuamhnak kha; 

Kannih kawl kan duh caah; 

Bawipa rianrang in ra tuah.