Judit 3

Holoferni raltuknak a dotdot

3 1-2 Cucaah daihnak a ser ding mi lamkaltu kha an thlah hna i annih nih, “Kannih cu siangpahrang lianngan Nebukhadnezar i salle kan si; na hmai ah kan bawk ko; aa tlak na ti ning in kan tuah ko. 3Kan saṭil dum hna, kan ram vialte, kan changvut lo vialte, kan lothlam i kan saṭil le kan tuu vialte hna cu na duh ning in na tuah khawh hna.  4Kan khuapi hna le khuami vialte hna zong nangmah sal ṭuan ding ah timhcia kan si; aa tlak na ti ning in tuah ko hna,’ tiah an ti. 5 Hi mi hna cu Holoferni sin ah an ra i a cunglei bia cu an chimh.

5 8 6 Cu tikah amah cu a ralkapbu hna he khan rilikapbu dihlak he rilikam ram hna ah a va  

ṭum i khuapi vengtu hna kha a chiah hna; an mi fel deuh hna kha bawmtu ralkap ah a lak hna. 7Hi khuapi hna le a kiangkap khuapi hna i a um vialte nih Holoferni cu an rak don, 10pangparṭhi an oih, khuangdar an tum i an laampiak. 8 Asinain amah nih cun an pathian inn hna kha a hrawh dih hna i an thingkung thiang hna cu a hau dih hna, cuti cun intek pathian hna cu a hlohpiak dih hna, cuticun miphun vialte nih Nebukhadnezar lawng kha an biak i holhkip le miphunkip nih amah kha pathian pakhat ah an cohlan naklai a si.

9Cuti cun, Judaea lungpanglei a hoih mi, Dothan ram pawng, Esdraelon a va donghnak, a va phan. 10 Keba le Sythopoli khua karlak ah khan riahbuk a khuar i ei le din damhchap awk ah thlapa thlakhat chung a cam.