161. HI PUAI CHUNGAH LUT CIO U

Key: Bb

1. A kan khamhtu Bawipa Jesuh Khrih nih khan, Puai chung luhawk a remh cang, Hi puai chungah eidin hnga rawl vialte cu, Bawipa thi le sa a si.

Cho: Puai chungah, puai chungah, Kannih ca timh cia puai chungah, Zungzal nunnak hmuh khawhnak hnga Puai chungah lut cio tuah u.

2. Nel rawn chungah nannih nan pupa le kha, Mana ei in an thi cang; Hi changreu cu vancung ram in a rung tum, Zungzal nunnak a kan pek.

3. Nannih hna zong Mi Fapa thi le sa kha, Ei loin nan um ahcun, A dong kho lo nunnak nan ngei lai lo tiah biatak in kan chimh cang hna.

4. Biatak in kan chimh, Keimah thi le sa nih, Zungzal nunnak kha a pek; Vawlei a dongh tikah khi mi vialte cu, Nunnak ah ka thawhter lai.