Dawn Mass

December 25, 2024

The Nativity of the Lord (Christmas)
Mass at Daw

Lectionary: 15

11 "Jerusalem khuami cu chim hna u law, Bawipa nan khamhtu cu a ra lio i a tlanhmi a mi kha a rak i ratpi hna, tiah vawleicung dihlak ah Bawipa nih a thanh i cucu miphun vialte nih an hngalh nakhnga hmelchunhnak pakhat in tar tuah u," a ti tiah va ti hna u. 12 Nannih cu "Pathian Mi Thiang," ti nan si lai, "Bawipa Khamh Mi" ti nan si lai. Jerusalem cu, "Bawipa Dawt Mi Khua," "Pathian Nih A Hlawt Lomi Khua" ti a si lai.

Responsorial Psalm Ps 97:1, 6, 11-12.

R.Nihin ah ceunak nih kan cungah a tlang te lai: Bawipa cu kan caah a chuak.

Bawipa cu siangpahrang a si, maw vawlei i lawm tuah! Rili chung i a ummi tikulh vialte hna, i lawm u! 6 Van nih khin a dinnak kha an chim i mi vialte nih a sunparnak kha an hmuh. R

11 Ceunak cu miding mi hna cungah khan a tlang i lunglawmhnak cu miṭha mi hna cungah khan a tlang. 12 Bawipa nih a tuahmi thil ruangah, a dingmi nannih vialte i lawm tuah u. Mi Thiang nih a tuahmi kha philh hlah u law amah kha lawmhnak in thangṭhat u. R

Reading II Titus 3:4-7

4 Sihmanhsehlaw kan Khamhtu Pathian dawtnak le zaangfahnak cu vawlei cungah a hung langh tikah, thil ṭha kan tuahmi ruangah si hin loin amah nih a kan zaangfah ca lawnglawng ah kannih cu a kan khamh i 5 cu a kan khamhnak cu hrinṭhannak ti thawng le Thiang Thlarau nih mi tharter khawhnak a ngeihmi ṭhawnnak thawngin a si. 6 Jesuh Khrih kan khamhtu thawngin Pathian nih Thiang Thlarau cu tampi in a kan toih i 7 cucaah a vel ruangah Pathian he cun kan i rem i kan i ruahchanmi zungzal nunnak kha kan hmuh.

Alleluia Lk 2:14

14 ‘Cungchin Pathian sin ah sunparnak um ko seh, cun vawlei ah a dawt mi ca ah daihnak um seh!’

Gospel Lk 2:15-20

15 Cun vancungmi hna cu annih sin in van i an kai tikah, tuukhal hna cu pakhat le pakhat kha, “Bethlehem ah va kal usi law Bawipa nih a kan hngalhter mi hi thil cu va zoh tuah usih,”tiah an i ti. 16 Cucaah khulrang in an kal i Mary le Josef, cun caw rawleinak kuang i an thlim mi Bawhte, cu an va hmuh. 17 Ngachia kha an hmuh tikah amah kong ah vancungmi nih an chimh mi hna kha an chimh hna, 18 cun a thei mi vialte cu tuukhal hna nih an chimh mi hna ah khan an khuaruah a har dih. 19 Mary nih cun, hi thil vialte hi a sunsak ngai hna i a lung ah a riahter hna. 20 Cun tuukhal hna cu, vancungmi nih an chimh hna bantuk te khan an va hmuh caah Pathian kha sunparnak le thangṭhatnak pek bu in an kir ṭhan.