The Epiphany of The Lord

January 5, 2025

The Epiphany of the Lord

Lectionary: 20

Tho tuah, Jerusalem, ni bantukin tlang tuah; Bawipa sunparnak cu na cungah a tlang! 2 Miphun dang cu muihnak nih a huh hna lai, sihmanhsehlaw nang cungah cun Bawipa ceunak cu a ceu lai; a sunparnak lianhngannak cu na sinah a um lai. 3 Miphun tanpi nih na ceunak cu an fuh lai i na ni thar a chuakmi cu siangpahrang nih an fuh lai. 4 I mer law na pawngkam ah khan zeidah a um ti kha zoh tuah. Na mi cu inn i tlun awkah an i pum. Na fapa hna cu lamhla piin an ra lai i na fanu hna cu ngakchia bangin puak cungin an ra lai. 5 Mah hihi na hmuh lai i lunglawmhnak in na khat lai, naa lawmh tuk ah a ther in na ther lai. Miphun hna nih an rumnak cu na sinah an rak put lai i naa lawmh tuk ah a ther in na ther lai. Miphun hna nih an rumnak cu na sinah an rak put lai i rili bangin an chawva cu a ra lai. 6 Kalauk bu ngan ngan cu an ra lai, Midian le Efah in an ra lai. Sheba in an ra lai i sui le zihmui kha an rak phorh hna lai. Pathian nih a tuahmi thil kong thawng ṭha kha mi nih an chim lai.

Responsorial PsalmPsalm 72:1-2, 7-8, 10-11, 12-13.

R/ Bawipa, vawleicung miphun vialte hnanih, nangmah khan an biak hna lai.

Maw Pathian, siangpahrang nih hin bia ka ceih tikah na dinnak kha ka hman nakhnga, ka cawnpiak ko; 2 cun na mi cu dinnak in ka uk hna nakhnga le sifakmi kha ding tein an bia ka ceihpiak hna nakhnga na dinnak kha keimah cu ka hrawm ko R

7 A chan chungah dinnak kha karh seh law thlapa a ceu chung paoh cu siṭhatnak kha hmun ko seh. 8 A penmi ram cu rili pakhat in rili pakhat tiang a si lai i Zufrates tiva in vanhramdeng tiang a si lai. R

. 10 Spain ram siangpahrang le tikulh ram siangpahrang hna nih khan laksawng an rak put lai; Arabia ram siangpahrang le Ethiopia ram siangpahrang hna nih khan laksawng an ra ṭhenh lai. 11 Siangpahrang vialte kha a hmaiah an kun lai i miphun vialte nih a rian an ṭuan lai. R

12 Amah a autu sifakmi hna le retheimi hna, mi nih zei ah an rel lomi hna kha, a chanh hna. 13 A dermi le sifakmi cungah zaangfahnak a ngei i retheimi kha an nunnak kha a khamh hna. R

Reading II Ephesians 3:2-3a, 5-6

2 Nanmah ṭhatnak dingah Pathian nih a vel thawngin hi rian hi ṭuan a ka fial ti kha nan theih cang ṭheo lai. 3 Pathian nih a thuhmi a khuakhannak cu ka sinah a phuan i a ka hngalhter5 Hi biathli hi hlanah cun mi kha theihter an rak si lo, sihmanhsehlaw atu cu Pathian nih a Thlarau in a lamkaltu mithiang hna le a profet mithiang hna sinah khan a phuan cang. 6 Cu biathli cu hihi a si: Thawngṭha thawngin Jentail mi hna nih Judah mi hna sinah khan Pathian thluachuahnak an hmuh ve cang; annih cu pum khat chung nge kha an si cang i Khrih Jesuh in Pathian nih biakamnak a tuahmi ah khan tinvo an ngei ve cang.

Alleluia Matthew 2:2

Cun “Jew hna siangpahrang bawhte cu khuazei ah dah a um? A arfi a chuah kan hmuh i amah upatnak pek awk ah kan ra,” tiah an hal.

Gospel Matthew 2:1-12

Nichuahlei Mifim pawl lennak

1,Herod siangpahrang a bawi lio Judea ram Bethlehem i Jesuh a chuah hnu ah khan, ruah lopi in mifim zeimawzat cu nichuahlei in Jerusalem ah an ra, 2 cun “Jew hna siangpahrang bawhte cu khuazei ah dah a um? A arfi a chuah kan hmuh i amah upatnak pek awk ah kan ra,” tiah an hal.

3 Hi bia Herod Siangpahrang nih a theih tik ah a awlok a chong i cu bantuk cun Jerusalem khuapi zong a si ve. 4 Anih nih mipi tlangbawi luban le phungbia cawnpiaktu vialte kha a pumh hna i annih kha, “Khuazei ah dah Khrih cu a chuah lai?” tiah a hal hna. 5 Annih nih, “Judea ram Bethlehem ah, zei cah tiah hihi profet nih a rak ṭial mi cu a si:

6 Judah ram i a um mi, nang Bethlehem, Judah hruaitu hna lak ah hin a hme bik na si hrimhrim lo, zei cah tiah nangmah sin in ka mi Israel khaltu ding hruaitu pakhat a chuak lai,” ti a si. Cu tik ah Herod nih mifim hna cu a thli tein a kawh hna. 7 Cun annih kha arfi a chuah nithla kha fiang tein a hal hna. 8 Bethlehem ah a thlah hna i annih cu, “Va kal ulaw ngakchia kong cu ṭha tein va hlathlai uh; cun nan hmuh tik ah thawng ka pe u, cuti cun kei zong kal in ka va biak khawh ve lai,” tiah a ti hna.

9 Siangpahrang nih a chim duh mi kha an ngaih dih hnu ah an i thawh; cun hmakhatte ah an rak hmuh mi arfi cu a lang ṭhan, an hmai ah a kal i ngakchia umnak cung ah cun a dir. 10 Arfi an hmuh ṭhannak nih khan lawmhnak in a khahter hna. 11 Innchung ah an lut i ngakchia cu a nu Mary he an vung hmuh, cun an khuk an i bil i upatnak an pek. Cun an chawva kha an chuah i sui le frankinsen zihmui le mura zihmui cu laksawng ah an pek. 12 Sihmanhsehlaw an mang ah Herod sin kir ti lo ding in ralrin pek an si caah lam dang in an ram ah an kir.