August 1.24
Zarhkel (17)nak Nili Ni
Memorial of Saint Alphonsus Liguori, Bishop and Doctor of the Church
Lectionary: 404
Mah hihi Bawipa sinin Jeremiah sinah a rami bia a si; 2 "Tho law umsertu inn ah vung kal law khika ah ka bia kha kan chimh lai," a ti. 3 Cucaah umsertu inn ah cun ka vung kal i a lengke kual i rian a rak ṭuan len ko kha ka vung hmuh. 4 Voi khat voi hnih cu a sermi um cu a ṭha in a chuah lo tikah a hrawh ṭhan tawn i a duhning in um dang ah a ser ṭhan tawn. 5 Khi tikah Bawipa bia cu ka sinah a ra i, 6 "Maw Israel innchungkhar hna, umsertu nih tlak kha a duhduh in a tuah bantuk hin kaan tuah kho hna lo maw? A kut chung i a ummi tlak bantuk khi ka kut chungah hin nan si.
R.Jakob Pathian kha bawmtu ah aa serhmi cu mi lunglawm an si.
Bawipa cu thangṭhat u! Maw ka nunnak, Bawipa cu thangṭhat ko! 2 Ka nun chung vialte amah cu ka thangṭhat lai; nunnak ka ngeih chung paohpaoh ka Pathian cu hla in ka thangṭhat lai.
3 Bawi kha i bochan hna hlah u, nanmah an khamh kho ṭung hna lomi kha i bochan hna hlah u. 4 An thih tikah leidip ah an kir ko; cu ni ah cun an khuakhannak vialte cu an dong fawn ko.
5 Jakob Pathian kha bawmtu ah aa serhmi cu mi lunglawm an si, Bawipa a Pathian kha aa hngatchanmi cu mi lunglawm an si; 6 amah nih cun van le vawlei le rili le an chung i a ummi thil vialte kha a ser hna.
R. Alleluia, alleluia.
Maw Bawipa, kan thinlung kau piah ko,na Fapa bia ngaih awkah.
Thawngthabia, Mt 13:47-53
"Vancung Pennak cu rili chung i chehmi sur, nga phun zakip a tlaitu bantuk a si. 48 A khah tikah ngatlaitu hna nih cun tikam ah an hnuh i an ṭhu i nga kha an ṭhen hna: a ṭhami cu an bawm chungah an sanh hna i a ṭha lomi cu an hlonh hna. 49 Chan donghnak ah cun cu bantuk cun a si lai: vancungmi kha an kal lai i miṭha mi hna lak khan miṭhalo mi kha an khawmh hna lai i 50 meiphu chungah an paih hna lai. Cuka ah cun an ṭap lai i an hacang an rial lai," tiah a ti. 51 Jesuh nih cun, "Hi vialte hi nan hngal kho maw?" tiah a hal hna i, "Kan hngalh hna," tiah an leh. 52 Cucaah a thawh hna i, "Phungbia cawnpiaktu saya, Vancung Pennak kong cawnpiaknak a cohlangmi cu, inn ngeitu, a thil khonnak chungin thil thar he thil hlun he a chuah lengmangtu bantuk a si," tiah a ti. 53 Jesuh nih tahchunhnak bia hna cu a chim dih in cuka hmun cun a chuak i 54 a rak umnak khua Nazareth khua ah khan a kal.