August 6.24
Zarhkel (18)Nak Ni hnih Ni
Bawipa Mui sang aa tlennak Puai
Lectionary: 614
9 Ka zoh ko lioah khan bawi ṭhutdan hna cu an hun hun hna i zungzal in a nungmi cu ṭhutdan cungah khan a hung ṭhu. A puan cu hawhra bantukin a rang i a sam cu tuuhmul thiang bik bantukin a thiang. A bawiṭhutdan cu meizik lengkekual cungah hun a si i meizik kha an chuak i a ṭhutdan cu meialh nih a tuam. 10 A rianṭuantu dingah mi a thongthong in an um i a hmaiah cun a nuainuai in an dir. Biaceihnak cu hun timh a si i cauk cu an hun kau hna. 11 Ka zoh peng ko lioah cun ki hmete aa porhlawtnak le a tluangkhawnnak cu ka hei theih lengmang ko. Cun ka zoh peng ko i sahrang palinak cu an thah i a ruak cu mei chungah an paih i an hrawh. 12 A dang sahrang hna kha an bawinak cu chuh an si nain caan khat le khuacaan pakhat cu nun onh an si rih. 13 Zan i langhnak ka hmuhmi ah cun minung a lomi pakhat cu van khuadawm he a rat kha ka hmuh; zungzal in a nungmi kha a hei naih i a hmaiah cun a va dir. 14 Bawinak le sunparnak le siangpahrang ṭhawnnak kha amah cu pek an si i cucaah miphun zakip le holh phun zakip nih a rian kha an ṭuan. Bawi a sinak cu zungzal in a hmunmi bawi sinak, zeitikhmanh ah a dong lo ding a si i siangpahrang ṭhawnnak a ngeihmi cu zeitikhmanh i hrawh khawh lomi ṭhawnnak a si. 15
R.The Lord is king, the Most High over all the earth.
Bawipa cu siangpahrang a si, maw vawlei i lawm tuah! Rili chung i a ummi tikulh vialte hna, i lawm u! 2 Khuadawm le muihnak kha a velchum in an um; a pennak cu dinnak le biading cungah a hram a bunh. 3 A hmaiah mei cu a kal i a velchum i a ummi a ral kha a kangh dih hna. 4 A nimtlau nih vawlei kha a ceuh dih, vawlei nih cun a hmuh i a ther. 5 Bawipa hmaiah tlang cu khuaiseng bantukin an ti. vawlei cung dihlak Bawipa hmaiah cun khuaiseng bantukin an ti. 6 Van nih khin a dinnak kha an chim i mi vialte nih a sunparnak kha an hmuh. 7 Siasal a biami vialte kha an ning a zak dih, an siasal aa porhlawmi vialte kha an ning a zak dih; pathian vialte cu a hmaiah an kun dih. 8 Bawipa, nangmah nih na tuahmi biathlehnak ruangah, Zion mi cu an lung aa lawm i Judah ram khua hna cu an tha a nuam. 9 Lianngan Bik Bawipa, nangmah cu vawleicung dihlak a uktu na si; pathian vialte hna nakin a let tam piin na ngan deuh.
16 Kan Bawipa Jesuh Khrih ṭhawnnak in a rat kha, kannih nih kan in chimh hna tikah, mi phuahchommi tuanbia ṭukṭak kha kan i rinhmi an si lo. A lianhngannak kha kan mit hrimhrim in kan hmuh. 17 Sunparnak Cung Nung Bik nih, "Hi hi ka dawtmi ka Fapa a si, ka lung a ka tongtu a si," tiah a ti i Pathian kan Pa nih upatnak le sunparnak a pek tikah khan, cuka hmun ah cun kannih kha kan um. 18 Tlang thiang cung i amah sin kan um lioah, hi aw cu vancung in a run kha kanmah hrimhrim nih kan theih. 19 Cucaah cun profet hna nih an rak chimmi bia kha kan zumh chinchin. Cu bia cu nannih zong nih ṭha tein nan ngaih ahcun a ṭha lai, zeicahtiah khua a hung dei i deirel arfi nan lung chung i a hung ceu hlantiang, muihnak hmun i a ceumi mei-inn bantuk khi, cu bia cu a si.
Cu ti i bia a chim lioah cun a ceumi minmei nih a run zelh hna i minmei chung cun aw nih, "Hi pa hi ka dawtmi ka Fapa, ka lung a ka tong ngaingaimi a si, amah bia kha ngai u," tiah a ti.