August 2.24
Zarhkel (17)nak Ninga Ni
Lectionary: 405
Judah siangpahrang Josiah fapa Jehoiakim bawi hramthawk ah, hi bia hi Bawipa sinin Jeremiah sinah a ra: 2 Bawipa nih Jeremiah cu a thawh i, "Bawipa inntual ah va dir law, khika ah biak awkah a rami Judah ram chung mi vialte hna sinah cun, bia va chim tuah. Annih kha na chimh hna lai tiah nawl kan pekmi vialte kha zeihmanh ngan loin na chimh hna lai. 3 Annih nih an hei ngaih phum in an lam ṭha lo cio khan an hei i mer phum ko hmanh hnga maw. Cu ti a si ahcun ṭhat lonak an tuah ruang i an cung i ṭhat lonak tuah ka timhmi kha kaa let ko hnga. 4 Annih cu na thawh hna lai i, Bawipa bia cu hi bangin a si: Ka bia nan ngaih lo i nan hmai i ka chiahmi ka nawlbia kha nan zulh lo i 5 nan sinah ka thlahmi ka profet hna bia kha zei ah nan rel lo ahcun, zei ah nan rel bal hna lo va si kaw, 6 hi inn hi Shiloh bantuk ah ka canter lai i hi khuapi hi vawlei cung miphun vialte caah nihsawh awk thil ah ka ser lai, a ti, na ti hna lai," tiah a ti. 7 Tlangbawi hna le profet hna le mi vialte nih hi bia cu Jeremiah nih Bawipa inn chungah a chim kha an theih. 8 Cun annih sinah na chim lai tiin Bawipa nih nawl a pekmi vialte kha a chim dih tikah, tlangbawi hna le profet hna le mi zapi nih khan an tlaih i, "Na thi lai," tiah an hro. 9 "Zeicahdah Bawipa min in bia na chim i, hi inn cu Shiloh bantuk a si lai i hi khua cu a chung ummi pakhat hmanh um lo tiangin a ṭiao lai, na ti," an ti. Cun mi vialte nih cun Jeremiah cu Bawipa inn ah khan an kulh.
R.Bawipa na dawtnak in ka ral hna kut chungin ka huppheng ko.
5 Maw Pathian, ka sualnak cu nangmah sinin an i thup kho lo; zeitluk in dah ka hruh cu na hngalh ko.
8 Ka unau hna sinah khual ah ka cang i ka nufale hna sinah ramdangmi ah ka cang. 9 Na biakinn ka ṭanhnak hi ka chungah mei bantukin a alh i nangmah an in nihsawhnak kha keimah cungah a tla.
10 Rawl ulhnak in toidornak lungthin ngeih kaa zuam i asinain mi nih an ka nihsawh ṭhiamṭhiam.
14 Nawncek chung ka tlaknak khan ka chuah ko, ka ral hna kut chungin ka huppheng ko law a thukmi ti chungin him tein ka chuah ko.
R. Alleluia, alleluia.1 Pt 1:25
Bawipa bia cu zungzal in a hmun." Thawngṭha nih an chimhmi hna bia cu hi bia hi a si.
Thawngthabia,Mt 13:54-58
a rak umnak khua Nazareth khua ah khan a kal. An i pumhnak inn ah khan a cawnpiak hna i a bia a theimi cu an lung a suk ngaingai hna. "Hi bantuk fimnak hi khoika ah dah a vaa lak hnga? Hi bantuk khuaruahhar tuahnak zong hi khuazei in dah a hmuh hnga? 55 Lehtamapa fapa kha a si ko lo maw? A nu kha Mary hi a si ko lo maw? A naule kha Jeim le Josef le Simon le Judas hi an si lo maw? 56 A farle kha hika i a ummi hi an si lo maw? Khuazei in dah hi thil vialte hi a vaa lak hnga?" an ti i 57 cuticun an hlawt. Jesuh nih cun a thawh hna i, "Profet cu amah khua le a chungkhat hna sin ti lo ahcun, hmun dang ah cun upatnak hmu loin a um lo hen pei," tiah a ti hna. 58 Zumhnak an ngeih lo caah khika ah cun khuaruahharnak tampi a tuah lo.