July 31.2024
Zarkel Zarh (17)nak Nithum Ni
Memorial of Saint Ignatius of Loyola, Priest
Lectionary: 403
10 Aize, aize, ka nu, zeicahhen na rak ka hrin ngelcel! Hnahnawhnak chung i a um ding le vawlei pumpi he aa ralchanh dingmi minung pei ka rak si ko hi. Aho sin hmanh in tangka ka cawi hna lo i Ahohmanh zong ka cawih fawn hna lo, Sihmanhsehlaw mi kip nih an ka thangchiat. 16 Na bia zei ah a rel lomi cu ka in hna a hau, Na bia cu kei ka caah cun lawmhnak le thanuamnak a si; Zeicahtiah nangmah nih keimah cu na ta si awkah min na ka bunh cang, Maw Bawipa, Ralkapbu Pathian. 17 Aa nuam huahmahmi hna sinah khan ka ṭhu ka um bal lo i An sin zongah kaa nuam bal lo; Nangmah nih rian na ka pekmi ruangah keimah lawng tein ka um i Nangmah nih thinhunnak in na ka khahter. 18 Zeicahdah ka fahnak hi a dongh kun lo? Zeicahdah ka hma hi hnabei dong a si i a dam duh lo? Nangmah cu ka caah, a ti a car tawnmi tivate, bochan awk a tlak lomi bantuk na si. 19 Cun Bawipa nih hi bangin a leh; Ka sinah na kir ṭhan ahcun kan lak ṭhan lai i ka hmaiah na dir lai. Bia ṭha chim kha na thiam i bia chia kha na hlawt ahcun, Ka bia chimtu na si lai. 20 Nangmah cu an caah pemh khawh lomi dar vampang ah kan ser lai, An in doh lai, sihmanhsehlaw an in tei lai lo, Zeicahtiah nangmah kha huhphenh awk le khamh awkah keimah cu na sinah ka um, 21 Miṭhalo mi hna kut chung khan kan chuah lai i, Thlachiat ruat lomi hna kut chung khan kan khamh lai," tiah Bawipa nih a ti.
Responsorial Psalm
R. Pathian cu ka ralhruang na si, a ka dawtu Pathian cu ka himnak na si.
2 Miṭhalo hna kut chung hin ka khamh law lainawng hna kut chung hin ka chuah tuah. 3 Zohhmanh, keimah cu thah awkah an ka bawh, keimah doh awkah mipuarhrang pawl cu an i pum.
4 Ṭhat lonak le sualnak ka tuah ruangah si loin ka sual ca le ka palh ca zongah si loin, Maw Bawipa, an ka bawhnak hmun ah khan khulrang in an va tli.
10 A ka dawtu ka Pathian nih a ka don lai, ka ral cu a ka teipiak hna lai. 11 Annih cu that hna hlah, ka mi hna nih an philh sual ai hnga, na ṭhawnnak in ṭhek hna law hrawk hna, Maw Bawipa kannih kan phaw!
17 Maw a ka Vengtu, nangmah cu kan thangṭhat lai; Pathian cu ka ralhruang na si, a ka dawtu Pathian cu ka himnak na si.
R. Alleluia, alleluia.Jn 15:15b
ka Pa sinin ka theihmi vialte kha kan chimh dih hna caah, ka hawile, ti tu ah kan ti cang hna.
Thawngthabia,Mt 13:44-46
. 44 "Vancung pennak cu lo chung i thuhmi rothil bantuk a si. Mi pakhatkhat nih a vaa hmuh sual tikah a khuh ṭhan ta tawn. A lung aa lawmh tuk caah a ngeihmi thil vialte kha a zuarh hna i a va kal ṭhan i a lo ning in a va cawk," tiah a ti. 45 "Vancung Pennak cu lungvar a ṭha phun a kawlmipa bantuk a si fawn. 46 A ṭha ngaingaimi kha a hmuh tikah a kal i a ngeihmi thil vialte kha a zuar i cu lungvar cu a cawk."